Линкови за пристапност

САД подготвени за епидемија на свински грип


Американските здравствени власти велат дека без оглед што свинскиот грип се проширил низ целата земја, владата е подготвена како никогаш досега да се справи со заболувањето во случај на епидемија.

Секретарката за здравство и здравствени услуги Катлин Сибелиус на сведочење во Сенатот рече дека случаите на грип годинава се пораширени и тешки. Неполн месец по почетокот на сезоната на грипот, веќе починале 86 деца од вирусот Х1Н1 на свинскиот грип, што е еднакво на бројот на детски смртни слуачи во текот на целата сезона изминативе години, рече Сибелиус.

Според првиот човек на американското здравство, позитивен момент е тоа што вирусот од април – наваму не варирал значајно, што значи дека вакцината создадена за борба против него се` уште е мошне ефикасна. Сибелиус кажа и дека проблемите што го забавија производството на вакцината се исправени, така што очекува до почетокот на ноември таа да биде достапна за сите во САД кои сакаат да ја примат.

XS
SM
MD
LG