Напаѓачи-самоубијци
активирале експлозив пред полициско биро за истраги во Пешавар, при што
загинале 11 лица, соопштија пакистанските власти. Во овој град во северозападниот дел на
земјата била оштетена и џамија што се наоѓала во непосредна близина, а
спасувачки екипи и полициски сили го преплавиле местото веднаш на нападот.
Полицијата вели дека напаѓачите, меѓу кои барем
една жена, активирале експлозив во автомобил и на мотоцикл пред полициската
станица.
Засега никој не презеде одговорност за овој
напад, што е најнов во серијата насилства изминативе две недели што однесоа преку
150 човечки животи.
Во четвртокот, во серија напади на полициски
објекти во градот Лахор и немирниот северозападен дел на земјата загинаа
најмалку 39 лица.