Секоја година предвремено се раѓаат 13 илјади бебиња

Нова студија најде дека близу 13 милиони бебиња во светот се раѓаат предвремено, а околу еден милион од нив умираат во текот на првиот месец на живот.

Извештајот од американска добротворна организација, „March of Dimes", е прв сеопфатен глобален извештај за предвремени раѓања.

Студијата најде дека најголем дел од ваквите случаи се во Африка и Азија, иако бројот во САД пораснал 36 проценти во текот на последниве 25 години.

Истражувачите велат дека неухранетоста и слабото здравје се причина за проблемот во земјите во развој. Во САД, проблемот се поврзува со се` поголемиот број жени кои забременуваат по возраста од 35 години и употребуваат третмани за забремнување што може да доведат до повеќе бебиња едновремено.

Новороденчиња кои преживуваат предвремено раѓање се соочени со голем број здравствени ризици, што се протегаат од церебрална парализа и слепило до проблеми во учењето и други хронични состојби.

Организацијата ги повикува глобалните лица кои ги прават законите и оние кои обезбедуваат здравствена заштита да ја направат борбата против прерани раѓања повисок приоритет.

Студијата е базирана на информации собрани од Светската здравствена организација. За потребите на студијата 37-та полна недела на бременост се смета за предвремена.