Американскиот Стејт департмент објави дека државната секретарка Хилари Клинтон ќе ги посети Лондон, Даблин, Белфаст и Москва од 9-ти до 15-ти октомври.
Клинтон ќе дискутира за разни билатерални, мултилатерални и глобални теми во Лондон и во Даблин.
Во Белфаст, Клинтон ќе дискутира за заеднички економски прашања и ќе ја истакне американската заложба за мировниот процес во Северна Ирска.
Во Москва, Клинтон ќе се сретне со виши официјални лица, вклучувајќи го и нејзиниот колега, министерот за надворешни работи Сергеј Лавров, на дневен ред ќе бидат новите спогодби за ограничување на стратешкото оружје, контратероризмот и други области на соработка.