Линкови за пристапност

30 авганистански цивили загинаа во експлозија на бомба покрај пат


Патнички автобус налетал на бомба покрај пат во јужен Авганистан, при што загинале 30 цивили, а биле повредени најмалку 39, соопшти авганистанското Министерство за внатрешни работи.

Експлозијата се случила на автопат во покраината Кандахар вторникот наутро. Меѓу жртвите се неколку жени и деца.

Владини претставници го обвинија Талебан за нападот. Бунтовниците на Талебан во најголем дел се потпираат на поставување експлозиви на патните правци и самоубиствени напади во борбата против странските и авганистанските сили.

Според извештај на ОН објавен минатата недела, во насилството во Авганистан годинава загинале над 1.500 цивили, од што над две третини во напади на милитанти.

XS
SM
MD
LG