Кина го повтори ставот дека санкциите не се содветен начин за одвраќање на Иран од неговата нуклеарна програма.
Портпаролката на кинеското Министерство за надворешни работи изјави дека санкциите и притисокот „не се начинот“ за решавање на прашањето.
Во средата, рускиот претседател Димитри Медведев изјави дека нови санкции против Иран можно е да бидат неизбежни, иако тие во редок случај се продуктивни.
Во меѓувреме, иранскиот претседател Махмуд Ахмадинеџад истакна дека неговата земја е подготвена за средби меѓу нејзини нуклеарни експерти и научници од САД и други светски сили, во обид за решавање на спорните прашања околу нуклеарната програма.
Во интервју за весникот Вашингтон пост, Ахмадинеџад изјави и дека Иран се залага од САД да купи збогатен ураниум кој се користи во медицински апликации. Засега нема коментар од американски претставници по ова барање.