Советот за безбедност на ОН едногласно усвои резолуција за зголемување на напорите за ослободување на светот од нуклеарно оружје.
Американскиот претседател Барак Обама претседаваше со специјалната сесија на Советот за безбедност.
Лидерите на сите 15 земји-членки на Советот гласаа за резолуцијата изготвена од страна на САД.
Планот повикува на прекин на ширењето на нуклеарно оружје, промовирајќи разоружување и намалувајќи го ризикот за нуклеарен тероризам.
Резолуцијата постави цели за „свет без нуклеарно оружје“. Ги повикува земјите кои не се приклучиле на 41-годишниот Договор за неширење на нуклеарното оружје, да го сторат тоа. Документот ги повикува и земјите кои поседуваат нуклеарно оружје да постават услови на нивниот извоз на нуклеарен материјал. Резолуцијата налага и зголемување на обезбедувањето на нуклеарниот материјал за да не дојде до рацете на терористите.
Обама предупреди дека активирање на само едно нуклеарно оружје во голем светски град би предизвикало глобална економска штета и опасност по безбедноста, како дополнение на загубата на стотици илјади луѓе.