Американскиот
претседател Барак Обама одржа олимписки собир во Белата куќа да ја зајакне поддршката за градот Чикаго и неговите
напори да ја добие кандидатурата за домаќин на Летните олимпски игри во
2016-та.
Обама пред олимпијци, параолимпијци, локални ученици,
политичари и други поддржувачи, најави дека ако победи Чикаго, „градот ќе ја
направи Америка горда, и Америка ќе го направи светот горд".
Меѓународниот олимписки комитет ќе го избере градот-домаќин на Олимпијада на 2-ри октомври во Копенхаген.
Претседателот нема да присуствува на изборот, но ќе ја
испрати првата дама Мишел Обама, која ќе ја предводи американската делегација.