Линкови за пристапност

Без напредок во израелско-американските разговори


Дводневните разговори меѓу американски и израелски официјални лица не донесоа надминување на разликите околу стопирањето на изградбата на еврејски доселенички населби, но специјалниот американски пратеник Џорџ Мичел ја продолжи посетата поради дополнителни средби.

По вториот ден разговори на Мичел со израелскиот премиер Бенџамин Нетанјаху, специјалниот американски пратеник планира да посети неколку арапски земји и да се врати во Израел в петок на дополнителни разговори.

САД се обидуваат да постигнат тристрана средба со палестински и израелски лидери за време на Генералното собрание на ОН, следната недела во Њујорк.

Палестинците најавија дека ќе учествуваат само ако Израел запре со изградбата на доселенички населби на територија која Палестинците сакаат да биде дел од нивната држава.

Вашингтон исто така поддржува замрзнување на изградбата во окупираните делови од Западниот брег и Источен Ерусалим, но израелски официјални лица рекоа дека се подготвени само за намалување на процесот на изградба на доселеничките населби на Западниот брег за одредено време.

Израелскиот премиер Бенџамин Нетанјаху рече дека Источен Ерусалим не е доселеничка населба и тамошната изградба ќе продолжи.

XS
SM
MD
LG