Весникот Њујорк тајмс во своето денешно издание цитира неименувани авганистански и западни претставници, кои велат дека симпатизерите на авганистанскиот претседател Хамид Карзаи креирале околу 800 лажни гласачки пунктови, од кои произлегле стотици илјади лажни гласови. Целта на иницијативата била да му помогне на Карзаи да биде реизбран на функцијата.
Весникот додава дека бројот на преброени гласови од некои пунктови, можно е да бил 10 пати поголем од бројот на луѓето кои всушност гласале.
Во меѓувреме, кампањата на Карзаи ги обвинува другите кандидати за манипулирање на гласовите.
Авганистанската Независна изборна комисија вели дека гласовите од речиси 500 гласачки пунктови ширум земјата, се поништени по наводите за измама.
Комисијата додава дека мора да разреши 650 сериозни поплаки поврзани со гласањето, пред месецов да бидат бидат објавени официјалните резултати.