Линкови за пристапност

Хрватска ќе ја обжали одлуката на австралиски суд за ослободување на српски паравоен командант

update

Хрватскиот министер за правда Иван Симоновиќ рече дека неговата земја ќе се жали на одлуката на австралиските власти за ослободување на поранешниот српски командант на паравоени единици.

Според хрватската агенција ХИНА, Симоновиќ очекува дека Драган Васиљковиќ евентуално да биде екстрадиран во Хрватска, каде веќе има потерница за одговорност за воени злосторства.

Претходно во средата, австралискиот федерален суд донесе одлука дека Васиљковиќ нема да биде испратен во Хрватска, затоа што судот смета дека нема да добие фер судски процес.

Австралиските власти го уапсија Васиљковиќ во 2006-та, откако Хрватска побара негова екстрадиција. Тој с соочува со обвиненија за мачење и убивање хрватски цивили и воени притвореници за време на балканската војна на почетокот од 1990-та.

XS
SM
MD
LG