Јужна Кореја денеска лансираше ракета во вселената, но набљудувачкиот сателит прикачен на неа, не успеа да ја достигне целта.
Министерот за образование, наука и технологија, Ен Бјонг-ман изјави дека ракетата ја одминала планираната орбита и се одвоила од сателитот на поголема надморска височина.
Јужнокорејските и руски научници во моментов испитуваат што точно се случило.
Лансирањето на Корејското вселенско летало -1, создадено во соработка со Русија, беше одложувано веќе неколкупати.
Денешното лансирање од Вселенскиот центар Наро јужно од Сеул е прв пат Јужна Кореја да лансира ракета од сопствено тло. Сеул претходно има испраќано сателити во вселената од други центри, користејќи вселенски летала на други земји.