Мајкл Џексон ќе биде погребан на неговиот роденден

Семејството на поп ѕвездата Мајкл Џексон вели дека пеачот ќе биде погребан на 29 август, што требало да биде негов 51-ви роденден.

Во соопштение од вторник, семејството Џексон вели дека церемонијата на погребот ќе биде во Меморијалниот парк Форест Лон Глендејл, во Глендејл, Калифорнија, што е предградие на Лос Анџелес.

Јавната служба за Џексон се одржа минатиот месец во Лос Анџелес. Семејството имаше приватна меморијална служба порано истиот ден.

Педесетгодишниот Џексон почина ненадејно на 25 јуни во Лос Анџелес. Резултатот на обдукцијата и токсиколошкиот тест сеуште не е објавен заради претстојната истрага по смртта на пеачот.