Линкови за пристапност

Веб страница на неделата - сите убавини на Њу Орлеанс


Њу Орлеанс е еден од најкарактеристичните градови во САД. Бела, црна и француска култура се среќаваат на пристаништето во близина на устието на реката Мисисипи, проследено со прекрасна храна и музика. Њу Орлеанс беше погоден од ураганот Катрина во 2005 година и сега се става нов фокус на богатото културно наследство на овој град.

Креаторите на нашиот избор на веб страница, практично прават компилација на звуци на Њу Орлеанс. Страницата нуди можност од мапата да изберете соодветна нумера и ли звук за да дознаете каде е снимен.

Оpensoundneworleans.com е практично медиумски проект на градот, при што неговите жители всушност го документираат својот живот преку музика. Жителите на Њу Орлеанс учествуваат во проектот преку снимање или бележење на барањата за снимање на важни звуци и гласови од нивниот живот.

Џекоб Бренкаси е ко-директор на opensoundneworleans.com, која беше креирана минатата година и на неа можат да се најдат информации за луѓето, музиката и амбиенталните звуци на овој неверојатен град, нешто како албум на Њу Орлеанс.

На страницата се регистриани снимки од професионалци, но како што вели Хедер Бут, исто така ко-директор на opensoundneworleans.com, дел од проектот нуди и обука за луѓето да снимаат звуци, а им се позајмува и опрема да ги документираат убавините на градот.

„Оние кои придонесуваат за содржината на веб-страницата се поединци кои едноставно објавуваат карактеристични и лични музички материјали, но и покохезивни групи со кои интензивно соработуваме, како новите имигранти во Њу Орлеанс. Тие навистина сакаа можност да отпочнат дијалог со жителите на градот за тоа кои се и зошто се доселиле овде", вели Бут.

Доколку сте заинтересирани да се запонаете со богатото и неисцрпно музичко наследство на Њу Орлеанс, ве покануваме да ја посетите веб страницата www.opensoundneworleans.com.

XS
SM
MD
LG