Властите во Тајван соопштија дека спасувачките екипи извлекле 700 преживеани лица од најмалку три села кои беа погодени од тајфунот Моракот. Тајфунот предизвика големо лизгање на земјиштето.
Спасувачките екипи и натаму трагаат по преживеани и работат на достава на хуманитарна помош во областа, која поради поплави и лизгање на земјиштето, беше отсечена од останатиот свет.
Од тајфунот што во петокот и саботата го зафати Тајван, досега се регистрирани 63 жртви, а 61 лице и натаму се водат за исчезнати. Тајфунот во неделата го погоди источниот дел на Кина, при што загинаа најмалку осум лица, а беа оштетени или уништени околу 10.000 домови.