Линкови за пристапност

Обама објави програма од четири милијарди долари за образованието


Американскиот претседател Барак Обама во петок објави програма според која државите и училишните општини ќе се натпреваруваат за повеќе од четири милијарди федерална помош за реформи.

Во Одделот за образование на САД Обама кажа дека конкуренцијата за финансирањето наречено „Трка за врвот“ ќе се фокусира на олеснување на ограничувања за специјални класови на јавните училишта познати како „чартер училишта“, поврзувајќи ја платата на наставниците со покажаниот успех, и создавање на академски стандарди што ќе важат за целата држава.

Обама има кажано дека американското образование е „бавно-движечка криза“ што се заканува на идната економска стабилност. Ученици кои се сиромашни и од малцинствата имаат слаби резултати, но и глобално американските ученици покажуваат послаби резултати во споредба со многу други држави во светот.

Претходни обиди за образовна реформа не успеаа заради децентрализираната природа на училишниот систем – каде секој државен училишен систем е одвоен – и заради отпор на промена одсиндикатите на наставниците.

Парите треба да дојдат од стимулативниот пакетод 787 милијарди долари усвоен во февруари.
XS
SM
MD
LG