Клинтон вели дека денуклеаризација е  единствената опција за Северна Кореја

Американскиата државна секретарка Хилари Клинтон вели дека единствената опција за Северна Кореја е неповратно затворање на нивната програма за нуклеарно оружје.

Клинтон во среда кажа дека нејзините колеги од Русија, Кина, Јапонија и Јужна Кореја се согласни со ставот на Вашингтон. Таа ова го кажа по средбата на министри на тајландскиот остров Пукет.

Државите и` понудиле на Северна Кореја пакет од поттици и подобрени дипломатски односи, во замена за соработка во разговорите за нуклеарно разоружување.

Но Северна Кореја се повлече од од тие разговори, и неодамна тестираше балистички проектили и нуклеарно оружје што е прекршување на санкциите на Обединетите Нации.

Клинтон претходно кажа на тајландската телевизија дека САД се загрижени оти Северна Кореја може да ја пренесе нуклеарната технологија во Бурма.

Таа рече дека е важно бурмиските соседи да се солидаризираат во единствен фронт против можна воена алијанса меѓу авторитарните режими.

Државната секретарка е во Тајланд за средба на министри за надворешни работи од Асоцијацијацијата на југоисточни азиски држави и други светски сили.

Клинтон ќе го потпише Договорот за пријателство и соработка на асоцијацијата, чија цел е мирољубиво решавање на регионални конфликти. САД се приклучени на пактот од неговото формирање во 1976.