Вирусот Х1Н1 на свинскиот грип е „несопирлив“ и на секоја земја и` треба вакцина, вели раководителот на истражувањата за вакцини во Светската здравствена организација Мари-Пол Киени. Таа во понеделникот препорача најпрвин да се имунизираат здравствените работници, бидејќи се најпотребни при избивање на епидемија. Властите мора да решат кој потоа ќе добие вакцина, рече Киени.
Свинскиот грип е во поблага форма кај здравите луѓе и за поголем дел од заболените не е потребен болнички третман.
Но, висрусот може да биде жесток, па дури и смртоносен кај лицата со сериозни здравствени состојби, како на пример болните од астма или кај трудниците. Мединиските истражувачи велат дека и прекумерната дебелина сега се смета за ризичен фактор за жестока реакција на вирусот.
Според најновите податоци на СЗО, во светот има околу 95.000 случаи на заразени од свински грип, а досега починале 429 лица.