Светската банка соопшти дека глобалната рецесија во 2009-та ќе биде подлабока отколку што претходно се предвидуваше, додека земјите во развој се соочуваат со зголемена сиромаштија и невработеност.
Светската банка во извештајот објавен денеска посочува дека глобалната економска рецесија и нејзиното влијание врз пазарот предизвикало опаѓање на меѓународните инвестиции во помалку развиените земји во 2008-ма. Банката соопшти дека странските инвестиции се очекува и натаму да паѓаат годинава.
Светската банка вели дека светската економија би требало да почне да расте кон крајот на 2009-та, но опоравувањето ќе биде побавно отколку што се очекуваше.