Нуклеарната закана од Северна Кореја – главна тема  на разговорите меѓу САД и Јужна Кореја

Јужнокорејскиот претседател Ли Мјунг-бак е на пат за Вашингтон, каде со претседателот Барак Обама ќе разговара за нуклеарната закана од Северна Кореја.

Пред да замине од Сеул во понеделник, Ли во радио обраќање кажа дека ќе работи со претседателот Обама на прашања за заедничка безбедност и економски растеж.

Јужнокорејскиот претседател подоцна денеска во Вашингтон ќе се сретне со високи американски претставници, меѓу кои и со американската Државна секретарка Хилари Клинтон и Секретарот за одбрана Роберт Гејтс.

Средбата со Обама во вторник ќе биде нивни прв формален самит. Разговорите ќе се фокусираат на Северна Кореја и безбедносни гаранции од САД. Но двајцата лидери исто така се очекува да зборуваат и за долгоодолговлекуваната ратификација на договорот за слободна трговија меѓу САД и Јужна Кореја.

Јужнокорејските медиуми известуваат дека владини претставници тврдат дека Ли ќе побара од американскиот претседател уверување дека Јужна Кореја паѓа под нивната таканаречен „нуклеарен чадор".