Линкови за пристапност

Клинтон се надева дека изборните резултати во Иран ја одразуваат волјата на народот


Американската државна секретарка Хилари Клинтон се надева дека иранските изборни резултати ја одразуваат „вистинската волја и копнеж на иранскиот народ“.

Говорејќи во Канада во саботата, Клинтон напомена дека владата на американскиот претседател Барак Обама внимателно ги следела изборите и го подвлече „ентузијазмот“ и „живата дебата“ за време на предизборната кампања.

Портпаролот на Белата куќа Роберт Гибс во одвоена изјава наведува дека САД и натаму внимателно ја следат ситуацијата, како и извештаите за неправилности.

Домаќинот на Клинтон, канадскиот министер за надворешни работи Лоренс Канон изјави дека неговата земја е “длабоко загрижена“ за извештаите за изборни неправилности во Иран. Тој ги повика иранските власти да спроведат „чесно и транспарентно“ броење на гласовите.

XS
SM
MD
LG