Линкови за пристапност

Ким Џонг-ил наводно го именувал најмладиот син за наследник


Јужнокорејски законодавци тврдат дека на средба со претставници на главната разузнавачка агнеција во земјата им било кажано дека власта во Северна Кореја побарала од главните органи во земјата и од дипломатските мисии во странство да се обврзат на лојалност кон Ким Џонг-ун, синот на претседателот Ким Џонг-ил, како негов наследник на функцијата.

Во април, јужнокорејските медиуми соопштија дека Ким Џонг-ун бил назначен на почетна позиција во највисоката воена организација во земјата – Националната комисија за одбрана. За Џонг-ун не се знае многу. Тој наводно има околу 25 години и се образувал во Швајцарија. Според медиумските извештаи, Џонг-ун е љубител на американската кошаркарска лига НБА, а омилен играч му бил Мајкл Џордан.

Сегашниот водач Ким-Џонг-ил дојде на власт во 1994-та по смртта на неговиот татко. Шпекулациите за назначување на наследник на Џонг-ил растат уште од минатиот април, кога тој наводно преживеал мозочен удар.

XS
SM
MD
LG