Владиниот „стрес-тест“ ја покажа издржливоста на банките

Американскиот секретар за финансии Тимоти Гајтнер вели дека расположението на Американците во однос на економската ситуација се подобрува и дека владиниот таканаречен „стрес-тест" за банките ќе помогне уште повеќе во таа насока.

Тестот е наменет да утврди дали главните банки би можеле да преживеат доколку рецесијата се продлабочи. Неговите резултати во средата протекоа во медимуите и наводно барем половина од 19-те банки треба да го зголемат бројот на пари во готово.

Па сепак, Гајтнер за американската јавна емитувачка мрежа Пи-Би-Ес соопшти дека Американците може да бидат сигурни дека економијата е стабилна и отпорна. Во коментар објавен во „Њујорк тајмс", пак, Гајтнер наведува дека објавувањето на резултатите на „стрес-тестот" на крајот од берзанското тргување во четврток ќе помогне „неизвесноста да се замени со транспарентност".