Гејтс: Мали се шансите Талебан да дојде до нуклеарното оружје на Пакистан

Американскиот Секретар за одбрана, Роберт Гејтс, вели дека е малку веројатно телебанските борци во Пакистан да добијат пристап до нуклеарното оружје на земјата.

Зборувајќи пред новинарите во соседен Авганистан, Гејтс рече дека е задоволен од напредокот на пакистанската армија и силната реакција на владата на напредувањето на Талебан на северозапад на земјата вклучувајќи ја и долината Сват, каде пакистански армиски хеликоптери напаѓаа осомничени талебански позиции во четвртокот.

Илјадници цивили заминаа од Сват откако владините трупи ја засилија офанзивата по колапсот на мировниот договор со талебанските милитанти во областа.

Пакистанската армија вели дека во регионалната офанзива се убиени повеќе од 200 милитанти.