Линкови за пристапност

Клинтон изрази жалење за цивилните жртви во Авганистан


Американската државна секретарка Хилари Клинтон изрази жалење за изгубените животи на цивили во Авганистан.

Клинтон зборуваше во Стејт Департмент, на средба со авганистанскиот претседател Хамид Карзаи и пакистанскиот претседател Асиф Али Зардари. Двајцата претседатели, исто така во среда, ќе се сретнат заедно со претседателот Барак Обама.

Клинтон рече дека американската и авганистанската влада ќе ги испитаат инцидентите од порано неделава во провинцијата Фарах, каде некои локални претставници тврдат дека повеќе од сто цивили се убиени во американските воздушни напади.

Карзаи кажа дека се надева оти САД и Авганистан можат да работат заедно за да се елиминира можноста за страдање на цивили.

Клинтон рече дека САД, Авганистан и Пакистан се соочени со „заеднички непријател" - екстремистите.

Карзаи и Зардари изразија волја да работат заедно.

XS
SM
MD
LG