Свински грип: Мексико ги затвори училиштата, а во САД 40 потврдени случаи

Официјални лица во Мексико ги суспендираа училиштата низ целата земја, додека мексиканската влада се обидува да се справи со избивањето на свинскиот грип, од што се сомнева дека умреле 149 лица.

Министерот за здравство во понеделник соопшти повисока цифра на смртни случаи, што сега е над сто.

Мексиканските власти велат дека училиштата ќе бидат затворени до почетокот на мај.

Од свински грип во Мексико, каде што е епицентарот на болеста, се верува дека има повеќе од 1600 разболени лица.

Светската здравствена организација потврди 40 случаи на болеста во САД, двојно повеќе од претходната цифра; шест случаи се потврдени се во Канада. Шпанија го потврди првиот случај во земјата во понеделникот, додека осомничени случаи се испитуваат во државите меѓу кои Нов Зеланд, Франција и Израел.

Генералниот секретар на ОН, Бан Ки-мун кажа дека светското тело е загрижено дека вирусот може да предизвика нова пандемија на грип. Тој рече дека постои загриженост дека тие што умреле во Мексико биле млади, здрави возрасни лица.