Линкови за пристапност

За Денот на Земјата Обама објавува нов енергетски план


Американскиот претседател Барак Обама денес во сојузната држава Ајова ќе има порака за Денот на Земјата што ќе содржи план за развој на алтернативна енергија.

Негови соработници од Белата куќа велат дека претседателот ќе зборува за создавање на нови работни места поврзани со заштитата на животната средина, во куса посета на градот Њутон, во Ајова, што страда економски. Тој планира посета на централа за енергија од ветер, како на модел за создавање работни места и производство на чиста енергија што може да ја намали американската зависност од странска нафта.

Претставници на администрацијата ќе имаат слична активност во Вашингтон при сведочењето во Поткомисијата за енергија и трговија на Претставничкиот дом, каде ќе говорат за различни програми за заштита на околината.

Во меѓувреме, министри за животна средина од Групата Осум индустриски држави се среќаваат во Италија на разговори за намалување на штетните гасови за кои научниците велат дека доведуваат до глобално затоплување.

XS
SM
MD
LG