„Чудовишта наспроти Вонземјани“ е насловот на најновиот комјутерски анимиран филм во 3-Де верзија. Екипа познати актери ги позјами гласовите: Рис Видерспун, Пол Руд, Хју Лори, Сит Роген, Вил Арнет, Реин Вилсон, Стивен Колбер и Кифер Сатерленд.
Оскаровката Видерспун ја толкува девојката од Калифорнија, Сузан Марфи. Метеор полн со вселенски отпадоци успева да ја погоди Сузан токму на нејзината венчавка, по што оваа комедија добива урнебесен расплет што, нормално, нема да ви го откриеме, но само ќе кажеме дека Сузан со група чудовишта добива важна задача да ја спаси планетата.
„Чудовишта наспроти Вонземјани“ во американските кино-сали започнува да се емитува в петок.