Со големи очекувања, конечно е претставен „Нано" - најефтиниот патнички автомобил во светот.
Настанот беше прикажуван во
живо на сите индиски ТВ-канали.
Автомобилот Нано е долг нешто
повеќе од три метри. Има само 35 коњски
сили, а зафатнината на моторот е 624 кубни сантиметри. Со него е означен
почеток на социо-економската револуција. Нано потенцијално ќе превезува стотици
милиони лица ширум Индија, каде не е невообичаено да забележите четворочлено
семејство како се вози на скутер или на мотоцикл.
Претседателот на Тара Мотор,
Ратан Тара, вели: „Немавме намера да биде најефтин автомобил. Сакавме на
граѓаните да им понудиме можност да поседуват автомобил, кој ќе биде достапен за нив. Се надевам дека
успеавме во тоа".
И покрај скоро ограниченото
конвенционално рекламирање, првичниот интерес – беше огромен. Компанијата
обелодени дека веб-страницата на Нано ја виделе 30 милиони луѓе.
Тата Моторс на 9-ти април ќе
започне со примање нарачки – од авто-салоните и преку интернет.
Со цена нешто повеќе од 100.000
рупии или две илјади долари, Нано е за
половина поефтин од слични модели на автомобили.