Американскиот претседател Барак Обама ги повика сојузните
држави мудро да ги трошат средствата од обемниот пакет за стимулирање на
економијата, додавајќи дека Американците очекуваат парите да бидат потрошени
домаќински - до последниот долар.
На состанокот со претставници на американските сојузни
држави, Обама порача дека тие имаат шанса значително да придонесат и да ја
насочат земјата во подобра насока. Американскиот претседател побара да се работи
„далеку над“ вообичаеното, со цел да се осигура дека американските граѓани ќе
ја добијат потребната помош, а економијата - потребниот поттик.
Темата на еднодневната конференција во организација на
Белата куќе беше како сојузните држави да се пријавуваат и да ги користат
средствата наменети за нив во неодамна донесениот пакет за стимулирање на
економијата, чиј вкупен износ е 787 милијарди долари.
Американскиот потпретседател Џо Бајден на конференцијата
најави над 8 милиони долари федерални средства за стимулирање на нови работни
места, алтернативни видови на енерија и транспортни проекти.