Властите велат дека обвинетиот американски измамник Бернард Медов би можел да добие до 150 години казна затвор за проневера на милијарди долари на своите клиенти-инвеститори.
Федералните обвинители вчера ги објавија 11-те точки по кои се товари овој поранешен трговец со акции на Вол Стрит. Медов наводно од 1980-те, па се до неговото апсење во декември 2008-та, проневерил милијарди долари на неговите клиенти под лажни изговори.
Според обвинението, Медов организирал масовна шема со која средствата на клиентите биле злоупотребувани, а тие добивале лажен впечаток дека тој раководи со легитимен инвестиционен бизнис.
Вршителот на должноста американски правобранител Лев Дасин вели дека обемот и опфатот на проневерата на Медоф е без преседан. Адвокатот на Медоф најави дека тој ќе се изјасни како виновен по обвинението што вклучува измама, лажно сведочење и перење на пари.