Американската државна секретарка Хилари Клинтон предложи Иран да биде поканет на меѓународна конференција за Авганистан, што се очекува да се одржи на 31-ви март.
За време на средбата на НАТО во Брисел, Клинтон предложи на конференција во вакви размери да бидат поканети соседните земји како Иран, земји-членки на НАТО и донатори.
Секретарот Клинтон истакна дека САД веруваат оти регионалните напори се клучни во справувањето со екстремизмот во Авганистан и Пакистан.
Локацијата каде ќе се одржи оваа конференција се` уште не е позната.