Новата американска државна секретарка Хилари Клинтон на првиот ден на функцијата вети дека ќе спроведува робусна демократија и ефикасни развојни програми. Стотици вработени во Стејт департментот со извици на воодушевување и` посакаа добредојде. Сенатот вчера со 94 гласа „за“ и 2 „против“ ја потврди на функцијата.
Клинтон порача дека сака владиниот оддел со кој ќе раководи да работи со „отвореност и искреност“ и кажа дека владата на Обама одбележува „ново доба“ за земјата.
Поранешната прва дама предочи дека во работата ќе има предизвици, како и дека ќе бидат потребни средства и решенија од 21-от век за да се одговори на проблемите и да се искористат можностите.