Линкови за пристапност

Хамас вели дека нема да ги прифати израелските услови за прекин на огнот во Појасот Газа


На самитот за ситуацијата во Газа што денеска се одржува во Катар, лидерот на Хамас во егзил Калед Мешал пред арапските лидери истакна дека Израел е причината за конфликтот, а не Хамас. Тој го обвини Израел дека води војна против сите Палестинци, меѓу нив и недолжните жени и деца.

Сирискиот претедател Башар ал-Асад ги повика арапските земји да ги прекинат сите односи со Израел. На самитот присуствуваше и иранскиот лидер Махмуд Ахмадинеџад. Средбата се одржа и покрај приговорите од Палестинската управа, Египет и Саудиска Арабија.

Генералниот секретар на ОН Бан Ки-Мун изјави дека на повидок е постигнување на договор за прекин на огнот во Појасот Газа. По средбата со водачите на Палестинската управа на Западниот Брег, Бан Ки-Мун додаде дека време е Израел да ја разгледа опцијата за едностран прекин на огнот.

Денес продолжија израелските воздушни напади врз цели во Газа. Хамас продолжисо ракетните напади израелска територија и покрај операцијата на израелските сили.

XS
SM
MD
LG