Кај најголем дел од децата говорот се развива речиси автоматски, на
многу рана возраст. Но, околу седум
проценти од сите деца имаат проблем со зборувањето или со разбирањето на јазикот.
Научниците идентификуваа ген што
изгледа дека има улога во многу наследни говорни мани. Генот исто така се поврзува со посериозна состојба,
вклучувајќи аутизам – ментално пореметување што влијае на способноста за комуницирање, како и состојба на хиперактивно
внимание, познато како АДД.
Истражувачите во Центарот за човечка генетика Wellcome Trust, на Универзитетот Оксфорд, го откриле
генот наречен CNTNAP2.
Истражувачите ја потврдиле улогата
на генот во студија направена на 184 семејства
со случаи на чести говорни проблеми. Студијата е објавена
во овонеделното издание на Журналот за медицина на Нова Англија.
Истражувачот Карин Стромсволд на Универзитетот Рутгерс, во Њу Џерси, вели дека дефектниот ген CNTNAP2 е најден кај деца со едноставни и со сериозни говорни
проблеми, заради што се верува дека е можно повеќе од еден ген да е инволвиран во тешкотиите со говорот.
-Фактот што децата со АДД и
аутистични деца имаат моторно
забавување, ме загрижува, зашто можеби сме избрале ген што не е специфичен за
јазикот, туку ген што можеби влијае на моторните способности кои исто така
се одразуваат на јазикот.
Сепак, Стромсволд вели дека е
возбудена што научниците почнале да
откриваат гени кои се одговорни за
тешкотии со говорот.
Инаку, истражувачкиот тим на Оксфорд проучувал уште еден ген, наречен FOXP2, кога дошле до откритието. FOXP2 регулира други гени во мозокот и е
најден кад деца со значително
забавен говор, како оние со аутизам, но не кај деца со помали говорни проблеми.