Од 1964, американската сојузна држава Вирџинија гласа за републикански кандидат во претседателски избори. Има индикации дека оваа година тоа ќе се промени. А зошто се фокусираме на оваа држава? Затоа што е голема. Во тесни избори Вирџинија може да му ја даде победата на кандидатот за кој ќе се решат нејзините гласачи.
За време на
миси во христијанскиот и конзервативен
Универзитет Либерти во рурална Вирџинија, студентите се собираат
да пеат, да се молат и – да направат планови за излегување на гласање.
Околу 10
илјади студенти се регистрирани да
гласаат во Вирџинија. Повеќето се надеваат дека Вирџинија ќе остане упориште
на конзервативците и Републиканците.
Но, музиката
на собир за Обама во главниот град на Вирџинија, Ричмонд, покажува негово
влијание во се поразноликата урбана средина Аида Пачеко е со групата на
хиспанската заедница наречена Централна Вирџинија Паланте – што значи движење
напред. Таа вели
дека острата имиграциона политика на Републиканците отуѓиле многумина од латино-заедницата.
Во нормална изборна година, ова би било важно прашање. Но Лари Сабато, од Центарот за политика на Универзитетот на Вирџинија, вели, ова не е нормална година:
-Мислам дека
најважното прашање за секој
Американец е економијата. Речиси секој е фокусиран на тоа. Дури потоа доаѓаат
прашања како имиграцијата, војната во Ирак и здравствената заштита.
Вирџинија е
и дом на некои од најголемите
американски армиски бази.
За
ветераните, на појадок во една од базите, поддршката за трупите е
исто толку важна како економијата. Ова е
Џорџ Рејнолдс:
-Да видиме дека сме победиле е
голема работа, вели тој, а не само да
излеземе оттаму со подвиткана опашка.
Но Лајл
Предмор вели дека не се
сите поддржувачи на Републиканската
партија:
Се разбира дека сме загрижени за Ирак и за Авганистан.
Особено за Ирак, каде не требаше да бидеме. Сега треба да видиме како да излеземе оттаму.
Со толку
тесна трка овде, Барак Обама и Џон Мекејн минаа многу време и потрошија многу пари на кампања во Вирџинија. Без оглед кој ќе
победи во ноември, професорот Сабато
вели дека никој повеќе не ќе може да ја смета Вирџинија за сигурна.