Линкови за пристапност

Американскиот секретар за одбрана во Македонија

  • Сашо Митан

Во рамки на годишниот состанок на министрите за одбрана на 12 земји од Југоисточна Европа и САД, секретарот Роберт Гејтс ќе има заедничка средба со претседателот Бранко Црвенковски, премиерот Никола Груевски и министерот за одбрана Зоран Коњановски.

Средбата се одржува во хотелот „Инекс" во Охрид и е во организација на Mинистерството за одбрана на Македонија. Разговорите се очекува да бидат фокусирани на билатерални и регионални прашања.

Портпаролот на Македонската Армија, Мирче Ѓорѓиоски, вели дека меѓу главните теми на годишниот состанок ќе биде можното распоредување на бригада за мировни операции, како и за можното проширување на мултинационалните мировни сили на Југоисточна Европа со нови членки.

На состанокот е најавено присуството и на командантот на јужното крило на НАТО со седиште во Неапол Марк Фицџералд, Командантот на бригадата на Југоистошна Европа Вирџил Балацеано, италијанскиот државен потсекретар Џузепе Косига и грчкиот министер за одбрана Евангелос Меимаракис.

На крајот на состанокот ќе биде усвоена резолуција.

Премиерот на Република Македонија, Никола Груевски, утре ќе го открие и спомен обележјето по повод десетгодишнината од договорот за заедничко здружување.

Ова е десета ваква средба што секоја година се одржува по потпишувањето на договорот за Мултинационалните мировни сили на Југоисточна Европа во 1999 кога е формирана бригададата на Југоисточна Европа. Македонските војници се ангажирани во бригадата од самиот почеток.

XS
SM
MD
LG