Претставничкиот дом даде зелено светло за историскиот и контроверзен план на владата да потроши 700 милијарди долари за спасување на финансиската индустрија на САД.
Мерката беше усвоена со 263 спрема 171 глас.
Порано неделава Сенатот го одобри планот и документот оди во Белата Куќа, за пшретседателот Буш да го стави потписот на него со што ќе стане закон.
Планот и дозволува на владата да ги купи лошите инвестиции од проблематичните финансиски компании во обид повторно да ја воспостави довербата на кредиторите и инвеститорите, како и да го рестартира кредитниот и економскиот растеж.