Планот се очекува да вклучи одредба за
зголемување на лимитот на
владиното осигурување за банкарските
депозити од сегашната цифра – 100 илјади
долари, на 250 илјади
долари. Планот исто така вклучува голем број на даночни олеснувања за поединци
и бизниси, вклучувајќи и даночни
кредити за производство и употреба
на алтернативни енергетски
извори , меѓу кои соларна енергија и
енергија добиена од ветер.
Лидерите на
Демократите и Републиканците во
сенатот Хари Рид и Мич МекКонел велат
дека планот ќе добие поддршка од
законодавците на обете партии.
Двајцата претседателски кандидати, Џон Мекејн и Барак Обама ќе се вратат во Вашингтон да гласаат по мерката заедно со сенаторот Џо Бајден , избраникот на Обама за потпретседателски кандидат.
И Мекејн и Обама ја поддржуваат провизијата за кревање на лимитот на осигурувањето на депозитите.
Претседателот Џорџ Буш предупреди дека
економската штета ќе биде болна
и долготрајна доколку планот не биде усвоен. Тој рече дека државата е во вонредна ситуација и последиците стануваат се полоши со секој
ден на непреземање акција.