Линкови за пристапност

Републиканците очекуваат Пејлин да донесе реформски дух и свежина во партијата

  • Глас македонски

Сент Пол, Минесота

Кандидатот за потпретседател од редовите на Републиканците, гувернерката на Аљаска, Сара Пејлин на конвенцијата е пред предизвик да ги отфрли критиките за нејзиното неискуство во политичкиот живот, како и пишувањата во домашниот печат за неочекуваната бременост на 17-та годишна керка Бристол, која реши да го задржи бебето, а за што Пелин инсиситра дека претставува семејна работа.

Пејлин е прва жена- кандидат од редовите на Републиканците за потпретседател на САД, и таа со претседателскиот кандидат Џон Мекејн учествува во историската трка против кандидатот на демократите Барак Обама, кој можеби ке стане првиот афро-Американец, претседател на САД.

Поранешниот њујоршки градоначалник и републиканец Руди Џулијани верува во 44-годишната Пејлин.

- Јас сум убеден дека е самоуверена, силна жена, со одлични ораторски способности, им изјави Џулијани на новинарите на Конвенцијата, најавувајќи го долгоочекуваниот настап на гувернерката од Аљаска - инаку мајка на пет деца.

Поранешните претседателски претенденти, екс-гувернерите од Масачусетс и Арканзас, Мит Ромни и Мајк Хакаби се најавени да говорат за Мекејн како за силен и искусен лидер, кој ги разбира предизвиците на денешницата. Тие треба пред делегатите на собирот во Сент Пол да предочат на карактерот на Мекејн и неговите заложби за транспаретна и одлучна влада.

„Една од основите на американската приказна е истрајноста; дури и во тешки времиња, мудроста и нескротливиот дух на американскот народ водел кон нов просперитет; човекот кој може да го понесе бремето на 21-от век е Џон Мекејн“ – ова се само дел од аспектите на Ромни и Хакаби во поддршката што отворено ќе му ја изразат на својот пријател и сопартиец.

По улиците на Сент Пол е забележливо зголемено полициско обезбедување. На помош се повикани нови единици полицајци од соседните градови, поради опасност повторно да ескалираат судирите со демонстрантите и анархистите што никако да завршат. И во вторникот беше употребен солзавец за растерување на мала група хулигани кои скршија неколку излози по главната улица на Сент Пол. Веќе се приведени преку 300 лица, а полицијата најави дека ќе бидат задржани во притвор се` до завршувањето на Конвенцијата в петок.

XS
SM
MD
LG