Линкови за пристапност

Поранешни американски државни секретари за апсењето на Радован  Караџиќ


Американските политичари го поздравија апсењето на водачот на босанските Срби Радован Караџиќ, кој е обвинет за геноцид и злосторства против човештвото во конфликтот во поранешна Југославија. Двајца поранешни државни секретари за Гласот на Америка оценија дека апсењето ќе и` помогне на Србија на патот кон европската интеграција.

Поранешната државна секретарка Медлин Олбрајт смета дека апсењето е голем чекор кон помирување во регионот:

- Голем настан. Требаше одамна да се случи. Фактот дека се случи е мошне важен за босанските луѓе и оние кои патеа поради политиката на Караџиќ.

Лоренс Игелбергер, кој беше државен секретар во администрацијата на Џорџ Херберт Вокер Буш - таткото на сегашниот претседател Џорџ Буш, вели дека апсењето е важно во контект на меѓународната правда:

- Тој е меѓу последните од една мизерна група во бегство. Иако не единствениот, најверојатно најповеќе заслужуваше да биде фатен и казнет.

Иглбергер вели - апсењето ќе и` помогне на Србија:

- За Србија да се врати во милост на светската заедница, на Западна Европа, а особено на САД – мислам дека увидоа дека ќе треба да сторат нешто во врска со тоа.

Според Олбрајт, тоа е и знак дека Белград е подготвен да се оддалечи од своето националистичко минато:

- Особено се надевам дека изборот на претседателот Тадиќ беше базиран на идејата дека сакаат да појдат напред, а не да гледаат назад. Ќе биде интересно како мнозинството Срби ќе реагира на ова. Очигледно, има некои кои се ултранационалисти и кои веќе изразија несогласување, но верувам дека српскиот народ сака да тргне напред.

XS
SM
MD
LG