Меркел смета дека дипломатскиот притисок дал резултати, но дека ќе бидат потребни нови санкции доколку Иран не прекине со нуклеарниот процес на збогатување на ураниум.
Буш и Меркел разговарале за редица прашања, како глобалната трговија и климатските промени. Буш во Германија повтори дека инвазијата врз Ирак под американско раководство во 2003-та била правилна одлука и дека не жали за тоа. САД не сакаат перманенетни бази во Ирак, рече американскиот претседател. Тој се заблагодари на Германија за учеството мировните напори на Блискиот Исток и за помошта за Авганистан и Ирак. Буш ќе ја продолжи еднонеделната турнеја со посети на Италија, Франција и Северна Ирска.
Во интервју за британскиот Тајмс, Буш изрази жалење што неговата реторика и тон пред ирачката инвазија направиле да наликува на „човек нетрпелив да појде во војна“. Буш вели дека го погодило како САД биле погрешно сфатени пред инвазијата, и жали за поделбите што ги предизвикала војната.