Линкови за пристапност

Буш за своите блискоисточни мировни напори:  стојам на реченото


По средбата со египетскиот претседател Хосни Мубарак во одморалиштето Шарм ел Шеик на Црвеното Море, Буш се заложи дека ќе остане ангажиран во мировните напори, и, како што рече - стои на реченото:

- Кога американскиот претседател ќе каже нешто, тоа и го мисли. Кога велам дека ќе се враќам, за да останам посветен на парашањето, тоа и го мислам. Кога велам дека сум оптимист дека може да постигнеме договор, го кажувам тоа што го мислам.

На осумдневната турнеја претседателот Буш побара арапска поддршка за своите мировни напори меѓу Израелците и Палестинците, како и обединет став во однос на Иран.

Буш по средбата со Мубарак изјави дека израелско-палестинскиот мир е можен, но предупреди дека нема да се случи доколку арапските лидери останат настрана.

Мубарак кажа дека го поддржува обидот на Буш да постигне мировен договор до крајот на оваа година:

- Поготвени сме, рака под рака со САД, квартетот земји и сите останати и регионални чинители, да работиме на сеопфатен и праведен мир, за да ставиме крај на израелско-палестинскиот судир и да отвориме нов хоризонт на Блискиот Исток.

Буш се заблагодари на Египет за поддршката на либанската влада и истакна дека Сирија и Иран мора да прекинат да се мешаат во либанската политика. Буш исто така изрази надеж дека Египет ќе продолжи да прави потези кон поголема демократија.

XS
SM
MD
LG