Одлуките на ДПА да возвратат на однесувањето на НСДП ги соопшти потпретседателот на Парламентот Бесим Догани, иако тој директно не ги поврза овие два настани.
- Како прво, секторот што тој го води како вицепремиер за образование и земјоделство е крајно непотребен и само го оптоварува буџетот на РМ. Тој не е професионалец во оваа работа. Исто така самото егзистирање на овој сектор ја попречува нормалната работа на веќе постоечките министерства- за образование и за земјоделство. Крајна причина, четврта е неговото вешто манупулирање на граѓаните на Западна Македонија со шеќерната репка, каде што г-динот Јанкуловски ги субвенционираше, ги заинтригираше граѓаните на тој регион да работат на шеќерната репка, а сега има проблеми со акумулацијата на произведената шеќерна репка. Исто така тука сум да ви кажам дека ќе ја поддржиме интерпелацијата на работата на г-ѓа Вера Рафајловска, министер за економија.
Вчера демонстрираниот став на пратениците ан НСДП да гласаат за интерпелацијата на Елмази, за Догани е крајно неморално однесување:
-НСДП веќе неколку пати ја напаѓа Владата од зад грб во нејзините најтешки моменти. НСДП е на иста линија и работи со г-динот Црвенковски и со опозицијата.
Очекувавме реакција, велат во НСДП. Потпретседателот на Парламентот Иван Анастасовски вели дека поднесувањето интерпелација е легитимно право иако не гледаат причини за такво нешто:
-Апсолутно тие обвинувања не држат. Не знам на кој начин е неморално. Ако е неморално да гласате за нешто што е констатирано во Анкетната комисија за кое сите ни сугерираат да најдеме индивидуална одгвоорност, тогаш ќе прифатам тоа. Меѓутоа јас тука не гледам неморално однесување.