Американските градови се преполни со ресторани за брза храна како Мекдоналдс, или пак, Сабвеј. Сопствениците на ресторани мора да бидат креативни, за да бидат различни и да ги привлечат муштериите.
Во Њујорк неодамна беше отворен БАМ! - ресторан на 55-метри квадратни, но без маси и столови. Еден од ѕидовите е претворен во излог, каде како и во автоматите, со парички се купуваат сите видови на оброци, од седвич со кашкавал до корн-дог.
Лоциран меѓу јапонски ресторан и салон за тетовирање, БАМ! е навраќање на популарните автомати од 20-от век. Основачите Дејвид Леонг и Нобу Ниген велат дека сакаат новата генерација њујоркчани да почувствуваат како било порано.
Но, БАМ! не е реликвија од минатото. Со розе ѕидови, неонски светла и азиска и американска храна, БАМ! е нов естаблишмент.
Муштериите особено ги привлекува што без многу чекање и директно од излогот избираат што ќе јадат:
Основачите на БАМ! гарантираат дека оброците што ги продаваат нема да имаат ист вкус како оние купени од автоматите на пари. Успехот на БАМ! и повторната популарност на автоматите сугерира дека индустријата со брза храна можеби треба да погледне назад во времето и да стане „ретро“, за да остане конкурентна во иднина.