Линкови за пристапност

Филаделфија-лулка на слободата и родно место на САД


Првата станица за многу туристи во Филаделфија во Пенсилванија е Шеталиштето на независноста - каде основачите на нацијата се сретнале за да напишат Декларацијата за независност.

Бил Колин е ренџер при управата за Национални паркови, која се грижи за ова историско место:

-Мислам дека луѓето најмногу ги привлекува фактот што сме нација заснована на идеали, еднаквост и слобода.

Местото каде се чува ѕвоното што ја означило слободата, салата каде се одржал првиот конгрес, како и куќата во која според легендата шивачката Бетси Рос сошила првото американско знаме годишно привлекуваат над три милиони посетители во Филаделфија секоја година.

Ѕвоното ја огласило слободата на 8 Јули 1776-та, повикувајќи на првото јавно читање на Декларацијата на независноста. Во 1846-та, откако мала пукнатина на него се проширила доволно за да не може да биде користено повторно, звоното стана музејски експонат.

Ренџерот Колин вели:

-Тоа е толку моќен симбол. Ѕвоното, кога напукна, веќе важеше за битен остаток од времето на независноста и стана симбол на слободата за луѓето во САД, и наскоро низ целиот свет.

На ѕвоното има стих од Библијата – Објави ја слободата ширум земјата и до сите нејзини жители. На 4 јули, иако со пукантина – тоа се` уште ја врши таа функција. По еден од потомците на потписниците на декларацијата секоја година со нежно чукање на ѕвоното го објавува денот кога се родија САД.

XS
SM
MD
LG