Демократите од Сенатот и Претставничкиот дом вчера ја отфрлија понудата на претседателот Буш конгресните истражители приватно да ги интервјуираат неговите соработници, вклучувајќи го и главниот политички советник Карл Роув и поранешниот советник Хариет Маерс. Демократските лидери бараат Роув и Маерс да сведочат јавно, под заклетва и со записник.

2
Претседателот Буш инсистира распитот да биде приватен и вели дека е подготвен со демократските конгресни лидери да се бори пред суд, доколку се испратат судски налози за повикување на соработници на Белата куќа во врска со случајот.

Демократскиот сенатор Чарлс Шумер вели дека понудата на претседателот не му дава на Конгресот вистинска можност да утврди што се случило.

Некои законодавци бараат оставка на генералниот правобранител Алберто Гонзалес, тврдејќи дека американските адвокати биле отпуштени од политички причини.

Високи претставници на Одделот за правда претходно кажаа дека обвинителите биле отпуштени заради слаб работен учинок, но оттогаш се повлекоа од таа изјава.