Линкови за пристапност

САД:  Нема директни разговори со Иран и Сирија на средбите за Ирак


На Конференцијата во ирачкиот главен град ќе учествуваат ирачките соседи и петте постојани членки на Советот за безбедност: САД, Британија, Франција, Русија и Кина.

Белата куќа вели дека учеството на конференцијата наредниот месец не значи и директни разговори на САД со Иран и Сирија.

„Нема да има билатерални средби САД - Иран или пак САД - Сирија во контекст на конференцијата. Неа ја организираат Ирачаните и е посветена на прашања во врска со Ирак“, изјави вчера портпаролот на Белата куќа Тони Сноу.

Сноу кажа и дека одлуката да се учествува на конференцијата не значи промена во политиката на американската влада, како и дека ова нема да биде по првпат трите земји да учествуваат на мултилатерална средба.

Вашингтон ги обвинува Иран и Сирија дека придонесуваат за насилството во Ирак. Тие, пак, ги отфрлаат таквите наводи.

XS
SM
MD
LG