Американската вселенска агенција вели дека спејс шатлот Дискавери ќе биде лансиран утре, па дури и да се повтори проблемот со сензорот за гориво што беше причина за неодамнешното одложување на полетувањето. Мисијата на Дискавери ќе биде прва по катастрофата со шатлот Колумбија пред двеипол години кога загинааа сите седум членови на екипажот. Колумбија се распадна при влегувањето во земјината атмосфера поради оштетување на леталото за време на лансирањето.