Францускиот претседател Жак Ширак повикува на воведување на нова даночна стапка на горивото за авиони со цел финансирање на борбата против болестите во Африка, како СИДА-та, туберколозата и маларијата.
Говорејќи денеска во Токио, г-динот Ширак кажа дека планира да ја презентира идејата за време на самитот на групата 8 во јули и во ОН во септември.
Француската новинска агенција јавува дека Ширак рекол оти Германија го поддржува овој предлог, кој можно е да важи и за авионските карти.
Агенцијата уште вели дека Ширак предвидува оти овие фондови можат да се користат за годишно да се спасат преку три милиони лица во Африка.